არიდეა. დასვენება, ტურები, მკურნალობა 2024

ლუტრა პოზარი საბერძნეთში საუკეთესო თერაპევტულ კურორტად ითვლება, განვითარებული ტურისტული ინფრასტრუქტურითა და მაღალი დონის მომსახურეობით.

საკურორტო დასახლება ლუტროპოლი (ლუტრა პოზარ) მდებარეობს თვალწარმტაც რაიონში, არიდეასგან 12  და სალონიკიდან 100 კმ-ში. სახელწოდება"პოზარ" გამომდინარეობს სიტყვისგან "პო"და "ზარ", რაც ნიშნავს "ცეცხლის ქვეშ".  

სტუმრების კომფორტისთვის შექმნილია ინდივიდუალური აბაზანები, ოლიმპიური ზომის საერთო აუზი და დახურული აუზი. იმისათვის, რომ მაქსიმალურად გამოყენებულ იქნას წყლის სასიცოცხლო თვისებები აქ ორგანიზირებულია სპა-ცენტრები, რომლებიც ფუნქციონირებს მთელი წლის განმავლობაში.


აქ, წყლის სამკურნალო თვისებების გარდა, ორგანიზმის გაჯანსაღებას ხელს უწყობს სიმყუდროვის  არაჩვეულებრი ატმოსფერო  და კომფორტული პირობები. რელიეფური ცალებადობა, ცხელი და ცივი წყაროები, სიმწვანე -ეს ყველაფერი გელით ამ ადგილას.

ლუტრა არიდეაში შექმნილია ყველა პირობა, როგორც ფიზიკური ასე ფსიქიკური ჯანმთელობისთვის. აქ ორგანიზმის მოვლის უამრავი ვარიანტი დაგხვდებათ

ლუტრა პოზარში განლაგებულია სასტუმროები, აუზები,თურქული აბანოები(ჰამამი), ხელოვნური ჩანჩქერები, სილამაზისა და რელაქსაციის სალონები, ტრადიციული  პროდუქტების სავაჭრო დახლები. რესტორნები და კაფეები. 

ამის გარდა აქვე მდებარეობს პალეონტოლოგიური მუზეუმი. ასევე სპა-ცენტრში ფუნქციონირებს 48 ინდივიდუალური აბაზანა, 2 თურქული აბანო, რომელიც 6 კაცს იტევს. 

ბილიკს, რომელიც აუზიდან იწყება, მივყევართ 22 მეტრიან დიდ ჩანჩქერთან. 

ლუტრასა და ნიკოლაუს ხეობა იდეალური ადგილია ალტერნატიული ტურიზმის მოყვარულთათვის, სეირნობისთვის, მთამსვლელობისთვის, ალპინიზმისთვის. 

 პრაქტიკამ დაამტკიცა, რომ თერმალური წყლები ამსუბუქებს ტკივილს და სხვადასხვა დაავადებებს კურნავს.


ასკლეპიები– ტაძრები, რომლებიც შენდებოდა ანტიკური საბერძნეთის დროს, ეძღვნებოდა დაავადებატა განკურნებას. ასეთ ტაძრებს წყაროების მახლობლად აგებდნენ. პაციენტების განკურნება ხდებოდა თერმალური აბაზანების, სწორი კვების  და კარგი ფსიქოლოგიური მდგომარეობის მეშვეობითმეშვეობით. 

ამ თერაპიულ წყაროებს პირველად ეწვია ძველიბერძნული ისტორიკოსიჰეროდოტე, რომელმაც შემდეგ თავის ნაშრომებში არაერთხელ აღწერა ეს უნიკალური ადგილი. თერმლურ წყაროებს ასევე,  ახსენებს თავის ნაშრომებში მედიცინის ფუძემდებელი ჰიპოკრატე (ძვ. წ. 5 საუკუნე) და ხაზს უსვავს  ცივი და ცხელი აბაზანების დადებით გავლენას ადამიანის ორგანიზმზე. ჰიპოკრატეს ნაშრომებში ჩამოთვლილია დაავადებათა სია, რომელთა განკურნება შეიძლება თერმალური წყლის მეშვეობით. ასევე მედიცინის მამამ ჩამოაყალიბა თერმული აბაზანების მიღების წესები და შექმნა  წყაროების პირველი კლასიფიკაცია ფერის, სუნის და გემოს თანახმად. 

ლუტრაკის გარშემო ტერიტორია და მთლიანად არიდეა უამრავ შესაძლებლობას იძლევა აქტიური დასვენებისთვის, კერძოდ კი: კაიმაკჩალანის მთებში თხილამურებზე სრიალი, ფეხით სეირნობისთვის რეგიონის ულამაზეს ბუნებაში. უნიკალური ხეობები იდეალურია ალპინიზმისთვის. 

ზოგიერთ წვრილ ბილიკს მივყევართ გამოქვაბულებთან. ეს არის პირველი გამოქვაბულთა პარკი საბერძნეთში. პარკი შედგება  გამოქბაბულთა 17 კომპლექსისგან, რომლებშიც ნაპოვნია ნეოლიტის ეპოქის პალეონტოლოგიური მონაპოვარი. 

სასარგებლო და საინტერესო დროსტარების შემდეგ გირჩევთ ეწვიოთ რომელიმე ტრადიციულ ტავერნას, სადაც აუცილებლად  ღირს გასინჯოთ ადგილობრივი სამზარეულოს უნიკალური კერძები, რომლებიც არ შეგხვდებათ საბერძნეთის სხვა რეგიონებში. აქ ამზადებენ უგემრიელეს ხორციან კერძებს (ცომლეკი, კლეფტიკო,სტამნატო, ძუბარლიგეს ან ძიბრეს) სარმადაკია (ტოლმა ვაზის ფოთოლში), ასევე კერძები ახალი თევზისგან ( რეგიონის მდინარის) :  გულიანოს(ლოქო), გრივადი (კობრი), პესტროფეს (კალმახი),კასია . გასინჯეთ ასევე ტრადიციული ფენოვანი ღვეზელი(პიტეს), ტრაქანასი,ბატსოსი(ტრადიციული ყველი) და სხვადასხვა სახის წნილი. 

აუცილებლად გასინჯეთ თაფლი, ხილი,მურაბა, ციპურო( სპირტიანი სასმელი), ასევე ნატურალური მაკარონის ნაწარმი. მთელს საბერძნეთში ცნობილია ადფგილობრივი წითელი წიწაკა- «ცეკეს ან ბუკოვო» - არაჩვეულებრივი არომატითა და გემოთი.