ქობულეთი აჭარის რეგიონის სიდიდით მეორე ქალაქია და ბათუმიდან 21 კილომეტრში მდებარეობს. იგი პოპულარული ზღვის კურორტია და განთქმულია 10-კილომეტრიანი პლაჟით.
ქობულეთის პირველი დასახლებები ძვ.წ. II-I საუკუნეებში დაარსდა. იგი წარმოადგენდა მნიშვნელოვან კვანძს მნიშვნელოვან სავაჭრო მარშრუტებზე.
ქობულეთში დასვენება დროის ჯგუფურად გატარების მსურველებს უყვართ. სუბტროპიკული კლიმატის წყალობით, ზაფხულში ტემპერატურა 28-30 გრადუსამდე იმატებს. ქობულეთში ფასები ხელმისაწვდომია და ამიტომ კურორტი დიდ კონკურენციას უწევს აჭარის დედაქალაქ ბათუმს.
ქობულეთში ტურისტებს შეუძლიათ იქირაონ კერძო ვილა, ბინა, ან უფრო ძვირი სასტუმრო. ქობულეთი მდიდარია ადგილობრივი მინერალური წყლებით. ამიტომ, ვიზიტორების განკარგულებაშია სპა მომსახურება და გამაჯანსაღებელი პროცედურები. თანამედროვე მოტელები და პანსიონატები გთავაზობენ გამაჯანსაღებელი პროგრამების ფართო არჩევანს, როგორც თანამედროვე, ასევე კლასიკური მეთოდიკით. ადგილობრივი მინერალური წყალი კურნავს საჭმლის მონელების და ექსკრეციული სისტემების პრობლემებს. ჯანმრთელობის ადგილობრივი ცენტრები მკურნალობენ ღვიძლისა და მეტაბოლიზმის, აგრეთვე ნერვული და სისხლის მიმოქცევის სისტემების, კანისა და სახსრების პრობლემებს.
ქობულეთთან ახლოს მდებარეობს მასიური გასართობი პარკი "ციცინათელა", რომელსაც ყოველწლიურად 300 ათასზე მეტი ადგილობრივი და უცხოელი ვიზიტორი სტუმრობს.
მზიანი პლაჟების გარდა, სტუმრები ერთობიან სათამაშო აპარატებით, ბოულინგით და სხვა. ტერიტორია კეთილმოწყობილია და მოიცავს არაერთ დასასვენებელ სივრცეს. მხიარული მუსიკა მუდმივად ჟღერს პარკში, ხოლო გართობა გვიან ღამემდე გრძელდება.
საინტერესოა ქობულეთის მუზეუმის მონახულება, რომელშიც დაცულია ბრინჯაოს ხანის უნიკალური არქეოლოგიური აღმოჩენები, აგრეთვე შუა საუკუნეების ექსპონატები. IV საუკუნეში რომის იმპერატორი იუსტინიანე ამ ტერიტორიის ხშირი სტუმარი იყო. მან ბრძანა სამხედრო ქალაქის - პეტრეს ციხისა და ტაძრის დაარსება. იმხანად, ამ ტერიტორიის კონტროლი მნიშვნელოვანი იყო, რადგან იგი წარმოადგენდა სტრატეგიული სავაჭრო გზების კვანძს. მოგვიანებით, პეტრეს ციხე სადავო გახდა სპარსელებსა და ბიზანტიელებს შორის. XIX საუკუნეში ადგილი ასევე იქცა რუსებსა და თურქებს შორის ბრძოლის ველად.
მამაკაც ტურისტებს უყვართ ფაზისის სტადიონის მონახულება, სადაც ფეხბურთის მატჩები ტარდება. სტადიონი განკუთვნილია 6 ათასი მაყურებელზე. იგი წარმოადგენს ხმაურიან და ხალხმრავალ ადგილს სპორტული ღონისძიებების დროს.
ე.წ. „მტირალას“ ეროვნული პარკიც ქობულეთში მდებარეობს. მთავარი მიზეზი, რის გამოც ტურისტებს აქ მოსვლა სურთ, ადგილობრივი მინერალური წყლებია. ნაკრძალს იქვე მდებარე მტირალას მთის სახელი დაერქვა. პარკი ექსპლუატაციაში შევიდა 2007 წელს. ტურისტებისთვის ასევე საინტერესოა ახლომდებარე სოფლებიც, რომლებშიც შენარჩუნებულია ტრადიციული ტიპის სახლები. ეს შენობები თითქმის 200 წლისაა და ამჟამადაც ვარგისია საცხოვრებლად.
კიდევ ერთი ადგილობრივი ღისშესანიშნაობაა კინტრიშის ეროვნული პარკი. აქ ტურისტებს იზიდავს ველური ბუნების სილამაზე, მთის მდინარეები და ჩანჩქერები, ასევე ტბები.
ტერიტორიის სუბტროპიკული კლიმატი ხასიათდება ზომიერად ცივი ზამთრით, ცხელი ზაფხულითა და ტენიანობით. ასეთი კლიმატი კურორტს სასიამოვნოსა და კომფორტულს ხდის წლის ნებისმიერ დროს. ზამთარში იშვიათად თოვს და ზაფხულში სუფთა ზღვის სიო იზიდავს ტურისტებს მსოფლიოს მრავალი ქვეყნიდან. საკურორტო სეზონი მაისში იწყება და ოქტომბერში მთავრდება. კლიმატი ხელს უწყობს ჩაის პლანტაციების, სხვადასხვა სახეობის ციტრუსის, ასევე ევკალიპტისა და ბამბუკის გაშენებას.
2010 წლიდან კურორტმა მოიპოვა თავისუფალი ტურისტული და ეკონომიკური ზონის სტატუსი. ეს ფაქტი ხელს უწყობს ახალი ინვესტიციების მოზიდვას, გადასახადებისგან თავისუფალი ბიზნესის წარმოებას, მათ შორის სასტუმროების მშენებლობასა და ფუნქციონირებას. ამ გზით, ქობულეთში აშენდა მრავალი სასტუმრო, რესტორანი და სეზონური კაფე. ღია ცის ქვეშ მუშაობს მრავალი დისკო-ბარი.
ზღვის ჰაერი და ტენიანობა ხელს უწყობს გამაჯანსაღებელი მომსახურების განვითარებას სუფთა ჰაერის, თერაპიული ტალახისა და სუფთა წყლის წყლის გამოყენებით. ყოველდღიური სპორტული სირბილით, ტურისტები ახერხებენ რესპირატორული და გულ-სისხლძარღვთა სისტემის პრობლემების შემსუბუქებას.
